صدر آصف علی زرداری بلاول بھٹو کا رشتہ لیکر یورپی ملک ‘لیختن شٹائن’ پہنچ گئے، ذرائع

اسلام آباد: چیئرمین پیپلز پارٹی بلاول بھٹو زرداری کی شادی سے متعلق ایک نیا دعویٰ سامنے آیا ہے، تاہم پیپلز پارٹی کی جانب سے اس کی تردید کردی گئی ہے۔

ذرائع کے حوالے سے دعویٰ کیا گیا ہے کہ صدر مملکت آصف علی زرداری اپنے بیٹے بلاول بھٹو زرداری کی شادی سے متعلق معاملات اور تاریخ طے کرنے کے سلسلے میں یورپی ملک لیختن شٹائن پہنچے ہیں اور ان کے ہمراہ خاندان کے دیگر افراد بھی موجود ہیں۔

ذرائع نے مزید دعویٰ کیا کہ بلاول بھٹو زرداری کی مبینہ دلہن کا تعلق لیختن شٹائن کے دارالحکومت وادوز سے ہے جبکہ شادی کی تقریب رواں سال کے اختتام تک متوقع ہے۔

تاہم ان دعوؤں کی آزادانہ طور پر تصدیق نہیں ہوسکی۔

دوسری جانب میئر کراچی اور پیپلز پارٹی کے رہنما مرتضیٰ وہاب نے بلاول بھٹو زرداری کی منگنی یا شادی سے متعلق خبروں کی تردید کرتے ہوئے انہیں غلط اور بے بنیاد قرار دیا ہے۔

یوں بلاول بھٹو زرداری کی شادی سے متعلق ذرائع کے دعوے اور پیپلز پارٹی کی تردید سامنے آنے کے بعد معاملہ فی الحال غیر مصدقہ ہے۔