عمران خان کو پِمز اسپتال منتقل کیےجانےکا امکان، تیاریاں شروع، حتمی فیصلے کا انتظار

بانی پی ٹی آئی عمران خان کو پِمز اسپتال منتقل کیے جانے کا امکان ظاہر کیا جا رہا ہے، جبکہ اس حوالے سے انتظامی تیاریاں شروع کردی گئی ہیں۔

ذرائع کے مطابق عمران خان کی اسپتال منتقلی کے معاملے پر حکام کے درمیان مشاورت جاری ہے، تاہم منتقلی کا حتمی فیصلہ ابھی ہونا باقی ہے۔

ذرائع کا کہنا ہے کہ اسلام آباد میں ہونے والے اہم اجلاس میں عمران خان کو اسپتال منتقل کرنے سے متعلق انتظامی امور کا جائزہ لیا گیا، جس میں پِمز اسپتال میں میڈیکل بورڈ کی تشکیل اور سیکیورٹی انتظامات پر بھی غور کیا گیا۔

ذرائع کے مطابق پِمز اسپتال میں بانی پی ٹی آئی کے طبی معائنے اور علاج کے لیے ضروری انتظامات مکمل کیے جا رہے ہیں، جبکہ اسپتال منتقلی سے متعلق حتمی فیصلے کے بعد مزید اقدامات کیے جائیں گے۔