جھانگڑو پولیس کی کامیاب کارروائی، 7 بوتلیں شراب برآمد، ملزم گرفتار

جھانگڑو پولیس کی کامیاب کارروائی، 7 بوتلیں شراب برآمد، ملزم گرفتار

سکھر (رپورٹ: اسلم سومرو): سکھر پولیس کی جانب سے جرائم پیشہ عناصر اور سماجی برائیوں میں ملوث افراد کے خلاف کریک ڈاؤن جاری ہے۔ ایس ایس پی سکھر اظہر خان کی خصوصی ہدایات پر ایس ایچ او تھانہ جھانگڑو گل حسن سومرو نے اپنی حدود میں کامیاب کارروائی کرتے ہوئے شراب کی 7 بوتلوں سمیت ایک ملزم کو گرفتار کرلیا پولیس کے مطابق ایس ایچ او گل حسن سومرو نے پولیس ٹیم کے ہمراہ جھانگڑو تھانے کی حدود میں کارروائی کرتے ہوئے ملزم محمد فہیم عباسی کو گرفتار کیا۔ دورانِ کارروائی ملزم کے قبضے سے 7 عدد شراب کی بوتلیں برآمد ہوئیں پولیس نے برآمد شدہ شراب قبضے میں لے کر گرفتار ملزم کے خلاف 3/4 ایکٹ کے تحت مقدمہ درج کرلیا۔ مقدمہ FIR نمبر 55/2026 تھانہ جانگھڑو میں درج کیا گیا ہے پولیس حکام کے مطابق سماجی برائیوں کے خاتمے اور جرائم پیشہ عناصر کے خلاف کارروائیاں بلاامتیاز جاری رکھی جائیں گی۔ ایس ایس پی سکھر اظہر خان نے جانگھڑو پولیس کی بروقت اور کامیاب کارروائی کو سراہتے ہوئے پولیس ٹیم کو شاباش دی ہے۔