جنگلات قومی اثاثہ ہیں، غیر قانونی کٹائی برداشت نہیں کی جائے گی، ماجد سلیم

مسلم باغ: اسسٹنٹ کمشنر مسلم باغ ماجد سلیم نے جنگلات کے تحفظ کے لیے کارروائی کرتے ہوئے غیر قانونی طور پر کاٹی گئی اومان/صنوبر کی لکڑی موقع پر برآمد کر کے سرکاری احکامات کے مطابق تلف کر دی۔

اسسٹنٹ کمشنر نے کہا کہ جنگلات قومی اثاثہ ہیں۔ غیر قانونی کٹائی میں ملوث عناصر کے خلاف سخت قانونی کارروائی عمل میں لائی جائے گی۔ انہوں نے عوام سے اپیل کی کہ وہ جنگلات کی غیر قانونی کٹائی کی روک تھام میں انتظامیہ کا ساتھ دیں اور ایسی سرگرمیوں کی فوری اطلاع دیں۔

جنگلات کا تحفظ، ہماری مشترکہ ذمہ داری ہے۔