پاک، ترک، سعودیہ دفاعی معاہدے میں مصر بھی شامل ہونے کے قریب، ترک وزیر خارجہ

انقرہ: ترک وزیر خارجہ ہاکان فیدان نے کہا ہے کہ پاکستان، ترکیہ اور سعودی عرب کے درمیان طے پانے والے دفاعی تعاون میں مصر کی شمولیت متوقع ہے۔

میڈیا رپورٹس کے مطابق ہاکان فیدان نے کہا کہ تینوں ممالک کے درمیان پائیدار دفاعی صلاحیتیں مضبوط بنانے کے لیے گزشتہ جمعہ دفاعی معاہدے پر دستخط کیے گئے، تاہم مستقبل میں ایک اور ملک کو بھی اس تعاون میں شامل کیا جا سکتا ہے۔

ترک وزیر خارجہ کے مطابق بعض تکنیکی معاملات حل ہونے کے بعد مصر بھی دفاعی تعاون میں شامل ہونے کے قریب ہے۔

ہاکان فیدان نے کہا کہ مصر ترکیہ کا فطری اتحادی ہے اور دونوں ممالک پہلے ہی اتحادی کی حیثیت سے ایک دوسرے کے ساتھ رابطے میں ہیں۔

اگر مصر بھی اس دفاعی تعاون کا حصہ بنتا ہے تو پاکستان، ترکیہ اور سعودی عرب کے درمیان قائم دفاعی شراکت داری کا دائرہ مزید وسیع ہونے کا امکان ہے۔