وزیرِ اعظم کی مکہ مکرمہ میں قصر الصفا آمد، سعودی ولی عہد نے استقبال کیا

مکہ مکرمہ: وزیراعظم محمد شہباز شریف مکہ مکرمہ میں قصر الصفا پہنچ گئے، جہاں سعودی ولی عہد و وزیراعظم شہزادہ محمد بن سلمان بن عبدالعزیز آل سعود نے ان کا استقبال کیا۔

وزیراعظم آفس کے مطابق وزیراعظم شہباز شریف اور سعودی ولی عہد کے درمیان دوطرفہ ملاقات جاری ہے، جس میں پاکستان اور سعودی عرب کے تعلقات، باہمی تعاون، علاقائی اور عالمی امور پر تبادلہ خیال کیا جا رہا ہے۔

ملاقات میں نائب وزیراعظم و وزیر خارجہ سینیٹر محمد اسحاق ڈار، آرمی چیف و چیف آف ڈیفنس فورسز فیلڈ مارشل سید عاصم منیر اور وزیر دفاع خواجہ محمد آصف بھی وزیراعظم کے ہمراہ موجود ہیں۔

دونوں رہنماؤں کے درمیان ملاقات کو پاکستان اور سعودی عرب کے درمیان دیرینہ برادرانہ تعلقات اور اسٹریٹجک تعاون کے تناظر میں اہم قرار دیا جا رہا ہے۔