حکومت نے پیٹرول کی قیمت میں اضافہ کردیا، نوٹیفکیشن جاری

اسلام آباد: حکومت نے پیٹرول کی قیمت میں اضافہ کرتے ہوئے نئی قیمتوں کا اعلان کر دیا ہے۔ وزارت توانائی کی جانب سے جاری نوٹیفکیشن کے مطابق پیٹرول کی فی لیٹر قیمت میں 4 روپے 45 پیسے اضافہ کیا گیا ہے۔

اضافے کے بعد پیٹرول کی نئی قیمت 333 روپے 1 پیسہ فی لیٹر مقرر ہو گئی ہے، جبکہ اس سے قبل پیٹرول 328 روپے 56 پیسے فی لیٹر فروخت ہو رہا تھا۔

نوٹیفکیشن کے مطابق ہائی اسپیڈ ڈیزل کی قیمت میں 2 روپے فی لیٹر کمی کی گئی ہے، جس کے بعد ڈیزل کی قیمت 385 روپے 86 پیسے سے کم ہو کر 383 روپے 86 پیسے فی لیٹر ہو گئی ہے۔

حکومت کے مطابق نئی قیمتوں کا اطلاق 6 اگست 2026 سے ہوگا۔ ذرائع کا کہنا ہے کہ ڈیزل پر پیٹرولیم لیوی میں بھی اضافہ کیا گیا ہے، جس کے بعد لیوی 70 روپے 86 پیسے سے بڑھا کر 72 روپے 26 پیسے فی لیٹر مقرر کر دی گئی ہے۔

واضح رہے کہ اس سے قبل حکومت نے پیٹرول اور ڈیزل کی قیمتوں میں کمی کا اعلان کیا تھا، تاہم نئی تبدیلیوں کے بعد پیٹرول کی قیمت میں دوبارہ اضافہ کر دیا گیا ہے۔