کوئٹہ: سیکیورٹی خدشات کے پیشِ نظر ریڈ زون مکمل سیل

کوئٹہ: ممکنہ سیکیورٹی خدشات کے باعث شہر کے ریڈ زون کو تینوں اطراف سے مکمل طور پر بند کر دیا گیا ہے۔

انتظامیہ کے مطابق زرغون روڈ، انسکمب روڈ اور جعفر خان جمالی روڈ کو ہر قسم کی آمد و رفت کے لیے سیل کر دیا گیا ہے۔

حکام نے شہریوں سے اپیل کی ہے کہ غیر ضروری طور پر ریڈ زون کا رخ نہ کریں اور آمدورفت کے لیے متبادل راستے اختیار کریں۔

سیکیورٹی صورتحال کے پیشِ نظر شہر کے مختلف علاقوں میں اضافی انتظامات بھی کیے گئے ہیں۔