کیچ: بلیدہ میں مبینہ اغوا کی کوشش، مزاحمت پر فائرنگ، ایک شخص جاں بحق، دو خواتین زخمی

کیچ کے علاقے بلیدہ میں مبینہ اغوا کی کوشش کے دوران فائرنگ کے نتیجے میں ایک شخص جاں بحق جبکہ دو خواتین زخمی ہوگئیں۔

ابتدائی اطلاعات کے مطابق بلیدہ میں نامعلوم مسلح افراد نے مبینہ طور پر عبدالصمد نامی شخص کو اغوا کرنے کی کوشش کی۔ مزاحمت کے دوران فائرنگ کا تبادلہ ہوا، جس میں نظام بلیدہ گولی لگنے سے جاں بحق ہوگئے جبکہ دو خواتین زخمی ہوئیں۔

واقعے کے بعد علاقے میں تشویش پھیل گئی، جبکہ مزید تفصیلات اور واقعے کی مکمل نوعیت جاننے کے لیے تحقیقات جاری ہیں۔