کیچ: پیدارک میں مسلح تصادم، تین افراد جاں بحق ہونے کی اطلاع

کیچ: (مکران افیئرز) ضلع کیچ کے علاقے پیدارک میں دو مسلح گروپوں کے درمیان تصادم کے نتیجے میں تین افراد کے جاں بحق ہونے کی اطلاعات سامنے آئی ہیں۔

پولیس ذرائع کے مطابق واقعہ درمکول پیدارک کے مقام پر پیش آیا، جہاں دو مسلح گروہوں کے درمیان فائرنگ کا تبادلہ ہوا۔ جاں بحق افراد میں سردار عزیز بزنجو کے صاحبزادے شاہ بیگ اور دو دیگر افراد شامل ہیں۔

واقعے کی اطلاع ملتے ہی پولیس کی نفری جائے وقوعہ کی جانب روانہ کر دی گئی ہے، جبکہ مزید تحقیقات جاری ہیں۔ حکام کی جانب سے واقعے سے متعلق مزید تفصیلات بعد میں جاری کی جائیں گی۔