چمن کے رہائشی مولوی حسین احمد راولپنڈی سے مبینہ طور پر اغوا

چمن: چمن کے رہائشی مولوی حسین احمد، جو سابق سینیٹر اور جمعیت علمائے اسلام کے رہنما حافظ حمداللہ کے بھتیجے جبکہ حافظ حمیداللہ کے صاحبزادے ہیں، مبینہ طور پر راولپنڈی سے اغوا ہوگئے۔

ذرائع کے مطابق مولوی حسین احمد گزشتہ چار ماہ سے راولپنڈی کے ایک مدرسے میں زیرِ تعلیم تھے، تاہم گزشتہ دو ہفتوں سے ان کا اہلخانہ سے رابطہ منقطع تھا۔

ان کے بھائی افتخار عمر کے مطابق آج انہیں ایک پیغام موصول ہوا، جس میں دعویٰ کیا گیا کہ مولوی حسین احمد کو اغوا کر لیا گیا ہے، تاہم پیغام بھیجنے والے کی شناخت سامنے نہیں آ سکی۔

واقعے کے حوالے سے مزید معلومات حاصل کی جا رہی ہیں جبکہ اہلخانہ نے متعلقہ اداروں سے مولوی حسین احمد کی بازیابی کے لیے فوری اقدامات کا مطالبہ کیا ہے۔