اسسٹنٹ کمشنر کا سول ہسپتال مسلم باغ کا اچانک دورہ

مسلم باغ
ڈپٹی کمشنر قلعہ سیف اللہ جناب ساگر کمار کی ہدایات پر اسسٹنٹ کمشنر مسلم باغ جناب ماجد سلیم نے سول ہسپتال مسلم باغ کا تفصیلی دورہ کیا
دورے کے دوران اسسٹنٹ کمشنر نے ہسپتال میں میل فیمیل وارڈ، ڈینٹسٹ سیکشن، لیبارٹری، ایمرجنسی سیکشن، میڈیسن سٹوریج اور دیگر سیکشن کا تفصیلی معائنہ کیا، سٹاف کی حاضری چیک کی مریضوں کو فراہم کی جانے والی طبی سہولیات، ادویات کے اسٹاک، صفائی کی صورتحال اور مختلف کا جائزہ لیا۔ انہوں نے دستیاب ادویات کا جائزہ لیتے ہوئے ہسپتال انتظامیہ کو عوام کو معیاری طبی سہولیات کی فراہمی یقینی بنانے کی ہدایت کی جبکہ اسسٹنٹ کمشنر نے سٹاف کے غیر حاضری کا سخت نوٹس لیتے ہوئے ہسپتال انچارج و عملہ کو متنبہ کیا کہ ائیندہ کوئی غیر حاضری برداشت نہیں کی جائیگی دوبارہ وزٹ پر کوئی عذر قابل قبول نہیں عوامی خدمت میں کوئی کوتاہی برداشت نہیں کی جائیگی
اس موقع پر سول ہسپتال مسلم باغ کی انتظامیہ نے اسسٹنٹ کمشنر کو ہسپتال کی مجموعی کارکردگی، دستیاب سہولیات اور درپیش مختلف مسائل کے حوالے سے تفصیلی بریفنگ دی۔ اسسٹنٹ کمشنر نے مسائل کے حل کے لیے متعلقہ حکام سے رابطہ کرنے اور عوام کو بہتر طبی سہولیات کی فراہمی کے لیے ہر ممکن اقدامات اٹھانے کی یقین دہانی کرائے