اپنی دھرتی کے تحفظ کیلئے عوام میدان میں نکلیں، جمعیت علماء اسلام

موسیٰ خیل()

جمعیت علماء اسلام ضلع موسیٰ خیل کی جانب سے جاری کردہ پریس ریلیز میں ضلع موسیٰ خیل کی یونین کونسل راڑہ شم اور یونین کونسل اندرپڑ کو ضلع بارکھان میں شامل کرنے کے ناروا حکومتی فیصلے کے خلاف کل بروز جمعتہ المبارک ضلعی ہیڈکوارٹر موسیٰ خیل میں ایک بھرپور احتجاجی مظاہرہ اور عوامی جلسہ منعقد کیا جا رہا ہے۔
اس حوالے سے ضلع موسیٰ خیل کے تمام غیرت مند باسیوں سے خصوصاً آل تحصیل جماعتوںسے ہر مقامی جماعت سے ، علماء کرام، قبائلی مشران سے اس عوامی احتجاجی مظاہرے میں شرکت کرنے کی خصوصی درخواست کی جاتی ہے کیونکہ ظالموں نے
آج ایک بار پھر ہماری دھرتی کو ٹکڑوں میں تقسیم کرنے کا منصوبہ بنایا ہے اٹھو اور بیدار ہو جاؤ نکلو گھروں سے دکانوں سے کھیتوں سے اپنی دھرتی کو بچانے کی جد وجہد میں شامل ہو جاؤ،
امید ہے سر زمین ضلع موسیٰ خیل سے تعلق رکھنے والا ہر باشندہ جزبے اور لگن کے ساتھ اس مظاہرے اور جلسے میں خود بھی شریک ہوگا اور دوسروں کو بھی شریک کریگا