اگر امن آتا ہے تو میرا بھائی مجھے گولی مار دے، سرفراز بگٹی کا استعفیٰ مانگنے والے محمود خان اچکزئی کو جواب

کوئٹہ: وزیراعلیٰ بلوچستان میر سرفراز بگٹی نے کہا ہے کہ اگر ان کے استعفے یا جان کی قربانی سے بلوچستان میں پائیدار امن قائم ہو سکتا ہے تو وہ اس کے لیے بھی تیار ہیں، تاہم دہشت گردی جیسے سنگین مسئلے کا حل سیاسی نعروں یا استعفوں میں نہیں۔

نوابزادہ میر سراج خان رئیسانی کی آٹھویں برسی کے موقع پر منعقدہ تعزیتی ریفرنس سے خطاب کرتے ہوئے وزیراعلیٰ نے اپوزیشن لیڈر محمود خان اچکزئی کے استعفے سے متعلق بیان پر ردعمل دیتے ہوئے کہا کہ اقتدار اور کرسی عارضی چیزیں ہیں، اصل مقصد عوام کی خدمت اور بلوچستان میں دیرپا امن کا قیام ہے۔