​ کھیلوں کے فروغ کے لیے فدا محمد دومڑ کا پاکستان کراٹے فیڈریشن اور بلوچستان کراٹے ایسوسی ایشن کے ساتھ مل کر کام کرنے کا عزم

​
بین الاقوامی کراٹے کھلاڑی فدا محمد دومڑ نے پاکستان کراٹے فیڈریشن پلیٹ فارم سے صوبے میں کراٹے کی بہتری کے لیے تکنیکی معاونت اور شمولیت کا فیصلہ کیا ہے۔ انہوں نے مزید کہا کہ یہ قدم خالصتاً ملک بالخصوص صوبہ بلوچستان میں کراٹے کے کھیل کو عالمی معیار کے مطابق آگے بڑھانے اور نوجوان کھلاڑیوں کو بہتر مواقع فراہم کرنے کے لیے ہے۔
​انہوں نے گفتگو کرتے ہوئے کہا کہ ان کی ترجیح ہمیشہ سے کراٹے کا فروغ اور کھلاڑیوں کی اخلاقی و پیشہ ورانہ تربیت کوچنگ رہی ہے۔ پاکستان اور بلوچستان کراٹے ایسوسی ایشن کے ساتھ مل کر کام کرنے کا مقصد صوبے میں کراٹے کے انفراسٹرکچر کو مضبوط کرنا ہے تاکہ ہمارے باصلاحیت کھلاڑی بین الاقوامی سطح پر ملک کا نام روشن کر سکیں۔ فدا محمد دومڑ کا مزید کہنا تھا کہ وہ صوبے میں کراٹے سے وابستہ تمام حلقوں کے احترام اور مروجہ قوانین کے تحت کھیل کی ترقی کے لیے اپنا مثبت کردار ادا کرتے رہیں گے ،