کوئٹہ: وحدت کالونی واقعہ، آفتاب جبل اور دیگر ملزمان جیل منتقل

کوئٹہ (نمائندہ خصوصی) وحدت کالونی میں پیش آنے والے افسوسناک واقعے کے مقدمے میں گرفتار آفتاب جبل اور دیگر مبینہ ملزمان کو جسمانی ریمانڈ مکمل ہونے کے بعد عدالت میں پیش کر دیا گیا۔

ذرائع کے مطابق کیس کی سماعت جوڈیشل مجسٹریٹ 12 کی عدالت میں ہوئی، جہاں عدالت نے جسمانی ریمانڈ مکمل ہونے پر مبینہ ملزمان کو جوڈیشل ریمانڈ پر جیل بھیجنے کا حکم دے دیا۔

یاد رہے کہ آصف خان نے خودکشی سے قبل ایک ویڈیو پیغام میں آفتاب جبل اور دیگر افراد پر الزامات عائد کیے تھے۔ آصف خان پر الزام ہے کہ انہوں نے اپنی اہلیہ اور بچوں کو قتل کرنے کے بعد خودکشی کر لی تھی۔ واقعے کی تحقیقات جاری ہیں جبکہ عدالت میں مقدمے کی مزید سماعت آئندہ تاریخ پر ہوگی۔