کوئٹہ: 9 اور 10 محرم الحرام کے موقع پر گرین اور پنک بس سروس دو روز کے لیے معطل

کوئٹہ (نمائندہ خصوصی) 9ویں اور 10ویں محرم الحرام کے موقع پر کوئٹہ میں چلنے والی گرین بس اور پنک بس سروس دو روز کے لیے بند رہے گی۔

ذرائع کے مطابق سیکیورٹی اور ٹریفک انتظامات کے پیش نظر گرین اور پنک بس سروس محرم الحرام کے دوران عارضی طور پر معطل رکھنے کا فیصلہ کیا گیا ہے۔ بس سروس 9 اور 10 محرم کو بند رہے گی تاکہ عزاداری کے جلوسوں اور دیگر مذہبی سرگرمیوں کے دوران شہریوں کی حفاظت اور ٹریفک کی روانی کو یقینی بنایا جا سکے۔

ذرائع نے بتایا ہے کہ گرین اور پنک بس سروس 27 جون سے دوبارہ معمول کے مطابق بحال کر دی جائے گی اور تمام روٹس پر آپریشن حسب سابق جاری رہے گا۔