کوئٹہ – چمن بین الاقوامی شاہراہ سرانان تک ہر قسم کی ٹریفک کے لیے بند

کوئٹہ – چمن بین الاقوامی شاہراہ مونزئی شادیزی اڈے سے لے کر سرانان تک ہر قسم کی ٹریفک کے لیے مکمل طور پر بند کر دی گئی ہے۔ شاہراہ کی بندش کے باعث مسافروں کو شدید مشکلات کا سامنا ہے جبکہ دونوں اطراف گاڑیوں کی لمبی قطاریں لگ گئی ہیں۔

انتظامیہ نے عوام سے اپیل کی ہے کہ وہ غیر ضروری سفر سے گریز کریں اور ممکنہ طور پر متبادل راستوں کا انتخاب کریں۔ حکام کے مطابق شاہراہ کی بحالی اور ٹریفک کی روانی سے متعلق مزید معلومات مناسب وقت پر جاری کی جائیں گی۔

مسافروں اور ٹرانسپورٹرز کو ہدایت کی گئی ہے کہ وہ سفر سے قبل تازہ ترین صورتحال سے آگاہی حاصل کریں تاکہ کسی بھی قسم کی پریشانی سے بچا جا سکے۔