’گلگت کا الیکشن چھیننے نہیں دیںگے‘، پیپلز پارٹی کا بجٹ اجلاس کے بائیکاٹ کا فیصلہ

پیپلز پارٹی کی پارلیمانی پارٹی کا اجلاس بلاول بھٹو زرداری کی زیر صدارت ہوا۔

راجہ پرویز اشرف، نوید قمر، شیری رحمان اور شازیہ مری پارلیمانی پارٹی اجلاس میں میں شریک ہوئے، فاروق ایچ نائیک ،اعجاز جاکھرانی بھی اجلاس میں شریک تھے۔

پاکستان پیپلز پارٹی کی پارلیمانی پارٹی کا اجلاس ختم ہوگیا، اجلاس میں پیپلز پارٹی نے بجٹ اجلاس کے بائیکاٹ کا فیصلہ کرلیا ہے جب کہ بلاول بھٹو زرداری پارلیمنٹ سے واپس روانہ ہوگئے۔

پیپلز پارٹی کے نوید قمر پارٹی کی نمائندگی کرینگے جب کہ پیپلز پارٹی کے باقی ارکان اجلاس میں شریک نہیں ہونگے۔

بلاول بھٹو زرداری نے میڈیا سے غیر رسمی گفتگو کرتے ہوئے کہا کہ جی بی کا الیکشن چھیننے نہیں دیں گے، بجٹ میں عوامی ریلیف سمیت دیگر معاملات پر نیوز کانفرنس کر کے ساری باتوں کا جواب دونگا۔