صوبہ کے بیشتر اضلاع میں موسم خشک اور گرم رہے گا، محکمہ موسمیات

کوئٹہ: محکمہ موسمیات کے مطابق صوبہ بلوچستان کے بیشتر اضلاع میں موسم خشک اور گرم رہنے کا امکان ہے، تاہم بعض علاقوں میں آندھی اور گرج چمک کے ساتھ بارش بھی ہو سکتی ہے۔

محکمہ موسمیات کا کہنا ہے کہ بارکھان، ژوب اور موسیٰ خیل میں آندھی چلنے اور گرج چمک کے ساتھ بارش کا امکان ہے۔

اعداد و شمار کے مطابق مختلف شہروں میں درجہ حرارت یوں ریکارڈ کیا گیا: کوئٹہ میں زیادہ سے زیادہ درجہ حرارت 34 ڈگری، قلات میں 31، زیارت میں 26 اور ژوب میں 34 ڈگری سینٹی گریڈ ریکارڈ کیا گیا۔

اسی طرح سبی میں درجہ حرارت 40 ڈگری جبکہ تربت میں سب سے زیادہ 48 ڈگری سینٹی گریڈ ریکارڈ کیا گیا۔ نوکنڈی میں 42 اور چمن میں 35 ڈگری سینٹی گریڈ درجہ حرارت ریکارڈ ہوا۔

محکمہ موسمیات کے مطابق ساحلی علاقوں میں بھی گرمی کی شدت برقرار ہے، گوادر میں زیادہ سے زیادہ درجہ حرارت 36 اور جیوانی میں 38 ڈگری سینٹی گریڈ ریکارڈ کیا گیا ہے۔

مزید کہا گیا ہے کہ آئندہ دنوں میں بھی گرم اور خشک موسم کا سلسلہ جاری رہنے کا امکان ہے۔