بلوچستان کا 1200 ارب روپے حجم کا بجٹ 19 جون کو پیش کیا جائے گا

کوئٹہ: صوبائی وزیر خزانہ بلوچستان 19 جون کو مالی سال 2026-27 کا سالانہ بجٹ صوبائی اسمبلی میں پیش کریں گے۔ ذرائع کے مطابق مجوزہ بجٹ کا مجموعی حجم تقریباً 1200 ارب روپے ہوگا، جس میں ترقیاتی اور غیر ترقیاتی اخراجات شامل ہوں گے۔

بجٹ میں صوبے کی معاشی ضروریات، ترقیاتی منصوبوں اور عوامی فلاح و بہبود کے پروگراموں کے لیے فنڈز مختص کیے جانے کا امکان ہے۔ عوامی حلقوں کی نظریں اس اہم مالی دستاویز پر مرکوز ہیں اور توقع کی جا رہی ہے کہ تعلیم، صحت، روزگار، انفراسٹرکچر اور بنیادی سہولیات کی فراہمی کے شعبوں کو خصوصی اہمیت دی جائے گی۔

ذرائع کے مطابق حکومت صوبے میں جاری ترقیاتی منصوبوں کی تکمیل، نئے عوامی فلاحی منصوبوں کے آغاز اور معاشی سرگرمیوں کے فروغ کے لیے بھی خاطر خواہ وسائل مختص کر سکتی ہے۔ عوام کو امید ہے کہ بجٹ میں مہنگائی کے اثرات کم کرنے اور مختلف شعبوں میں ریلیف فراہم کرنے کے اقدامات بھی شامل ہوں گے۔

صوبائی بجٹ 19 جون کو پیش کیے جانے کے بعد اس پر اسمبلی میں تفصیلی بحث کی جائے گی، جبکہ مختلف سیاسی اور سماجی حلقے بھی بجٹ تجاویز کا جائزہ لیں گے۔