یو اے ای میں پیٹرول کی قیمتوں میں ایک بار پھر اضافہ

ابوظہبی: متحدہ عرب امارات نے یکم جون 2026 سے نافذ العمل ایندھن کی نئی قیمتوں کا اعلان کر دیا ہے، جس کے تحت پیٹرول کی قیمتوں میں اضافہ جبکہ ڈیزل کی قیمت میں کمی کی گئی ہے۔

عالمی منڈی میں خام تیل کی بڑھتی ہوئی قیمتوں کے اثرات کے باعث یو اے ای میں پیٹرول مسلسل تیسرے ماہ مہنگا ہوا ہے۔ نئی قیمتوں کے مطابق سپر 98 پیٹرول کی قیمت 3.66 درہم سے بڑھا کر 3.95 درہم فی لیٹر مقرر کر دی گئی ہے۔

اسی طرح اسپیشل 95 پیٹرول کی قیمت 3.55 درہم سے بڑھ کر 3.83 درہم فی لیٹر ہو گئی ہے، جبکہ ای پلس 91 پیٹرول 3.48 درہم کے مقابلے میں 3.76 درہم فی لیٹر میں دستیاب ہوگا۔

دوسری جانب ڈیزل کی قیمت میں کمی کی گئی ہے اور اب صارفین سے 4.69 درہم کے بجائے 4.33 درہم فی لیٹر وصول کیے جائیں گے۔

نئی قیمتوں کا اطلاق یکم جون سے پورے متحدہ عرب امارات میں ہوگا۔