پاکستان میں یکم محرم 17 جون کو ہونے کا امکان

لاہور: رویت ہلال ریسرچ کونسل نے محرم الحرام 1448 ہجری کے چاند کے حوالے سے پیش گوئی کرتے ہوئے کہا ہے کہ پاکستان میں یکم محرم 17 جون 2026ء بروز بدھ ہونے کا امکان ہے۔

رویت ہلال ریسرچ کونسل کے سیکرٹری جنرل خالد اعجاز مفتی کے مطابق نیا چاند 15 جون 2026ء کو پاکستانی وقت کے مطابق صبح 7 بج کر 54 منٹ پر پیدا ہوگا۔ تاہم اسی روز غروبِ آفتاب کے وقت چاند کی عمر ملک کے تمام علاقوں میں 12 گھنٹوں سے کم ہوگی، جو رویت ہلال کے لیے درکار کم از کم عمر سے خاصی کم ہے۔

Browse Posts

پشتونخوا میپ اور این ڈی ایم کا مشترکہ جمہوری جدوجہد پر اتفاق

سردارزادہ فیصل خان جمالی عوامی خدمت اور ترقیاتی منصوبوں میں نمایاں کردار ادا کر رہے ہیں، میر مرزا خان مینگل

لاڑکانہ عدالت نے سابقہ ایس ایچ او کو دو برس قید کی سزا سنادی

انہوں نے بتایا کہ 15 جون کی شام کراچی میں غروبِ آفتاب اور غروبِ قمر کے درمیان فرق 37 منٹ جبکہ پشاور میں 42 منٹ ہوگا، لیکن چاند کی کم عمر کے باعث اس کی رویت ممکن نہیں ہوگی۔

خالد اعجاز مفتی کے مطابق سائنسی اور فلکیاتی حساب کے مطابق چاند کی عمر 18 گھنٹوں سے کم ہونے کی وجہ سے صاف موسم میں بھی ہلال کو ننگی آنکھ، دوربین یا ٹیلی اسکوپ کے ذریعے دیکھنا ممکن نہیں ہوگا۔

رویت ہلال ریسرچ کونسل کا کہنا ہے کہ ذوالحجہ 1447 ہجری کے 30 دن مکمل ہونے کے بعد یکم محرم الحرام 1448 ہجری 17 جون 2026ء کو ہونے کا امکان ہے۔ تاہم محرم الحرام کے چاند کی رویت اور نئے اسلامی سال کے آغاز کا حتمی اور شرعی اعلان مرکزی رویت ہلال کمیٹی کرے گی۔