گورنمنٹ گرلز ہائی اسکول میں پروجیکٹ پاکستان کے تحت شاندار کتب میلے کا انعقاد

گورنمنٹ گرلز ہائی اسکول سیشن کورٹ میں “پروجیکٹ پاکستان” کے زیر اہتمام ایک شاندار کتب میلے کا انعقاد کیا گیا، جس کا مقصد طالبات میں مطالعہ کا شوق اجاگر کرنا اور علمی سرگرمیوں کو فروغ دینا تھا۔

اس موقع پر ایڈیشنل ڈپٹی کمشنر جناب نور علی کاکڑ بطور مہمانِ خصوصی شریک ہوئے۔ انہوں نے اپنے خطاب میں کتابوں کی اہمیت پر زور دیتے ہوئے کہا کہ تعلیم اور مطالعہ ہی روشن مستقبل کی ضمانت ہیں۔

کتب میلے میں طالبات نے بھرپور دلچسپی کا مظاہرہ کیا اور مختلف موضوعات پر مبنی کتابوں سے استفادہ حاصل کیا۔ اس کامیاب انعقاد پر منتظمین اور اساتذہ قابلِ تحسین ہیں۔