کسی بھی وجہ سے صورتحال غیرمتوقع ہوئی تو ایران پر پہلے سے زیادہ طاقتور حملے ہونگے: ٹرمپ

واشنگٹن: امریکی صدر ڈونلڈ ٹرمپ نے خبردار کیا ہے کہ اگر کسی بھی وجہ سے صورتحال غیر متوقع ہوئی تو ایران پر پہلے سے زیادہ بڑے اور طاقتور حملے کیے جائیں گے۔

سوشل میڈیا پر جاری اپنے بیان میں انہوں نے کہا کہ معاہدے تک امریکی بحری جہاز، طیارے اور فوجی اہلکار ایران کے گرد تعینات رہیں گے تاکہ صورتحال پر مکمل کنٹرول برقرار رکھا جا سکے۔

صدر ٹرمپ کا کہنا تھا کہ کسی بھی قسم کی خلاف ورزی یا کشیدگی کی صورت میں حملے دوبارہ شروع ہو سکتے ہیں، اور یہ حملے ماضی کے مقابلے میں زیادہ شدید ہوں گے۔

انہوں نے مزید کہا کہ یہ طے ہو چکا ہے کہ ایران کو جوہری ہتھیار حاصل کرنے کی اجازت نہیں دی جائے گی۔

ٹرمپ کے مطابق امریکی فوج مکمل تیاری میں ہے اور آئندہ کسی بھی ممکنہ صورتحال سے نمٹنے کے لیے تیار ہے۔