وزیر داخلہ سے امریکی سفیر کی ملاقات، مذاکرات کے انتظامات سے متعلق تفصیلی بات چیت

اسلام آباد: وفاقی وزیر داخلہ محسن نقوی سے امریکی سفیر نیٹلی بیکر نے ملاقات کی، جس میں باہمی تعلقات اور مشرق وسطیٰ کی موجودہ صورتحال پر تبادلہ خیال کیا گیا۔

ملاقات کے دوران جنگ بندی کا خیرمقدم کیا گیا جبکہ اسلام آباد میں ہونے والے اعلیٰ سطحی مذاکرات اور ان کے انتظامات پر بھی تفصیلی گفتگو ہوئی۔

اس موقع پر محسن نقوی نے کہا کہ امریکی نائب صدر جے ڈی وینس، اسٹیفوٹکوف اور کرشنر پاکستان کے خصوصی مہمان ہوں گے، جن کے لیے فول پروف سیکیورٹی پلان ترتیب دیا گیا ہے تاکہ ان کی آمد کے دوران مکمل سیکیورٹی یقینی بنائی جا سکے۔

امریکی سفیر نے خطے میں پاکستان کے مخلصانہ اور مثبت سفارتی کردار کو سراہا اور اسے قابلِ تحسین قرار دیا۔