امریکی صدر ٹرمپ کو ذہنی عارضہ لاحق ہے، حافظ حمد اللہ

جمعیت علماء اسلام کے مرکزی رہنماء حضرت مولانا حافظ حمد اللہ نے مدرسہ اسلامیہ امام شاہ ولی اللہ رحمہ اللہ ضلع چمن کے سالانہ دستار فضیلت کانفرنس سے خطاب کرتے ہوئے کہا ۔ کہ پوری دنیا کی ترجیحات بدل رہی ہیں ۔ عرب ممالک سمیت پوری دنیا نے امریکہ و اسرائیل کی جنگی شراکت سے انکار کردیا ہے ۔ امریکی صدر ٹرمپ طاقت کے نشے میں مست اسرائیل کیلئے غیر ضروری جنگ میں کود پڑا ہے ۔ آج ٹرمپ تنہائی کا شکار ہے ۔ اور حواس باختگی میں لمبی لمبی چھوڑ رہے ہیں ۔ امریکی صدر ٹرمپ کے بدلتے بیانات سے واضح ہوچکا ہے ۔ کہ وہ جنگی جنون کے عارضہ میں مبتلا ہے ۔ یہاں تک کہ ٹرمپ ذہنی توازن کھو چکا ہے ۔ امریکی کانگریس اور امریکی عوام ٹرمپ کو روکیں ۔ ورنہ یہ خود بھی ڈوب جائیگا ۔ اور امریکی عوام کو خصوصاً معاشی میدان میں بھی ڈبو دیں گے ۔ ٹرمپ اس وقت نیتن یاہو کا دم چلہ بن چکا ہے ۔ حافظ حمد اللہ نے کہا ہے ۔ امریکی صدر ٹرمپ جنگ کے حدود کو بڑھانے کیلئے پوری دنیا کی منت سماجت کررہا ہے ۔ کبھی دھمکیاں دیتے ہیں ۔ لیکن دنیا ان جنگی شراکت سے صاف انکار کررہی ہے ۔ جس کی وجہ سے امریکی صدر ٹرمپ جنگی جنون کی عارضہ میں مبتلا ہے ۔