کوئٹہ، محکمہ موسمیات کی آج بلوچستان کے مختلف۔اضلاع میں بارش ژالہ باری کی پیشگوئی

کوئٹہ: محکمہ موسمیات نے بلوچستان کے مختلف اضلاع میں آج بارش اور ژالہ باری کی پیشگوئی کی ہے۔

محکمہ موسمیات کے مطابق شمال مشرقی بلوچستان کے چند علاقوں میں تیز ہواؤں، آندھی اور گرج چمک کے ساتھ بارش کا امکان ہے، جبکہ بعض مقامات پر تیز سے موسلادھار بارش اور ژالہ باری بھی متوقع ہے۔

رپورٹ کے مطابق شام یا رات کے وقت موسلادھار بارشوں کے باعث ژوب، موسیٰ خیل، سبی، کوہلو، بارکھان، نصیرآباد اور لورالائی میں فلیش فلڈنگ کا خدشہ ظاہر کیا گیا ہے۔

اسی طرح شدید آندھی، جھکڑ، ژالہ باری اور بجلی گرنے کے باعث کمزور انفراسٹرکچر کو نقصان پہنچنے کا اندیشہ بھی ظاہر کیا گیا ہے۔

محکمہ موسمیات کا کہنا ہے کہ صوبے کے بیشتر اضلاع میں مطلع جزوی طور پر ابر آلود رہے گا، جبکہ زیارت، چمن، پشین، قلعہ عبداللہ، قلعہ سیف اللہ، ہرنائی، قلات، خضدار، لسبیلہ اور گرد و نواح میں بھی بارش اور ژالہ باری کا امکان ہے۔