نثار احمد لغاری ڈسٹرکٹ مٹیاری کو نیا ایکسپریس میڈیا گروپ کی جانب سے اعزازی شیلڈ پیش

لاہور (غلام رضا گورایہ سے ) نیا ایکسپریس میڈیا گروپ کی جانب سے ڈسٹرکٹ رپورٹر مٹیاری نثار احمد لغاری کو بہترین صحافتی خدمات، محنت، لگن، دیانتداری اور ادارے کے ساتھ مخلصانہ وابستگی کے اعتراف میں اعزازی شیلڈ پیش کی گئی۔
چیف ایڈیٹر غلام رضا گورایہ نے کہا کہ نثار احمد لغاری نے اپنی صحافتی ذمہ داریاں احسن انداز میں نبھاتے ہوئے ادارے کے وقار اور اعتماد کو برقرار رکھا۔ ادارہ اپنے محنتی اور ذمہ دار نمائندگان کی خدمات کو قدر کی نگاہ سے دیکھتا ہے اور ان کی حوصلہ افزائی اپنا اعزاز سمجھتا ہے۔
انہوں نے نثار احمد لغاری کو مبارکباد پیش کرتے ہوئے ان کے روشن مستقبل اور مزید کامیابیوں کے لیے نیک تمناؤں کا اظہار کیا۔