حاجی عبدالقدیر قریشی کی پٹ فیڈر کینال کے نئے افسران سے ملاقات، ذمہ داریاں سنبھالنے پر مبارکباد

گورنمنٹ کنٹریکٹرز ایسوسی ایشن نصیر آباد کے حقیقی صدر حاجی عبدالقدیر قریشی کی پٹ فیڈر کینال کے نئے تعینات افسران سے ملاقات، مبارکباد پیش کی
نصیرآباد ۔۔۔(رپورٹ محمد یونس عمرانی)گورنمنٹ کنٹریکٹرز ایسوسی ایشن نصیر آباد کے حقیقی صدر حاجی عبدالقدیر قریشی نے وفد کے ہمراہ پٹ فیڈر کینال نصیرآباد کے نئے تعینات ہونے والے ایگزیکٹو انجینئر شمس الملک اور ایس ڈی او ظاہر مینگل سے ملاقات کی اور انہیں نئی ذمہ داریاں سنبھالنے پر مبارکباد پیش کی۔ملاقات میں وفد کے دیگر اراکین، ایسوسی ایشن کے جنرل سیکرٹری علی مراد عمرانی، چیئرمین علی مردان ہلال، عبدالنبی سوہو اور حضور بخش قریشی بھی موجود تھے۔اس موقع پر حاجی عبدالقدیر قریشی اور وفد کے اراکین نے نئے تعینات افسران کے لیے نیک خواہشات کا اظہار کرتے ہوئے امید ظاہر کی کہ وہ اپنی پیشہ ورانہ صلاحیتوں اور تجربے کو بروئے کار لاتے ہوئے محکمہ آبپاشی کی کارکردگی کو مزید بہتر بنانے، ترقیاتی امور کو مؤثر انداز میں آگے بڑھانے اور عوامی مسائل کے حل کے لیے بھرپور کردار ادا کریں گے۔وفد نے اس امید کا بھی اظہار کیا کہ نئے افسران کی تعیناتی سے پٹ فیڈر کینال کے انتظامی اور ترقیاتی امور میں مزید بہتری آئے گی اور محکمہ آبپاشی کی کارکردگی کو مزید مؤثر بنانے میں مدد ملے گی۔