شرح سود کے تعین کیلیے مانیٹری پالیسی کمیٹی کا اہم اجلاس آج ہوگا

کراچی: اسٹیٹ بینک کی مانیٹری پالیسی کمیٹی کا اجلاس آج ہوگا، جس میں آئندہ ڈیڑھ ماہ کے لیے شرح سود سے متعلق فیصلہ کیا جائے گا۔

گزشتہ جائزوں میں شرح سود 11.5 فیصد پر برقرار رکھی گئی تھی۔ آج کے اجلاس میں کمیٹی ملک میں افراطِ زر کی صورتحال اور دیگر اہم معاشی اشاریوں کا جائزہ لے گی۔

اجلاس کے بعد گورنر اسٹیٹ بینک پریس بریفنگ کے ذریعے مانیٹری پالیسی کے فیصلے اور اس سے متعلق تفصیلات کا اعلان کریں گے۔ شرح سود میں ممکنہ تبدیلی کے حوالے سے حتمی صورت حال اجلاس کے فیصلے کے بعد واضح ہوگی۔