مولانا فضل الرحمان کے خلاف غیر شائستہ بیان بازی ناقابلِ برداشت ہے، میر نعیم خان عمرانی

مولانا فضل الرحمان کے خلاف غیر شائستہ بیان بازی ناقابلِ برداشت ہے، میر نعیم خان عمرانی

اوستہلا محمد (نمائندہ خصوصی) جمعیت علمائے اسلام ضلع اوستہ محمد کے ضلعی جنرل سیکرٹری اور مرکزی جنرل کونسل کے رکن میر نعیم خان عمرانی نے مولانا فضل الرحمان کے خلاف صوبائی وزراء اور مشیروں کی جانب سے بیان بازی کی شدید مذمت کرتے ہوئے کہا ہے کہ سیاسی قیادت کے احترام اور جمہوری روایات کا تقاضا ہے کہ اختلافِ رائے کو شائستگی اور دلیل کے ساتھ بیان کیا جائے، نہ کہ غیر ذمہ دارانہ بیانات کے ذریعے سیاسی ماحول کو کشیدہ بنایا جائے۔ ان خیالات کا اظہار انہوں نے میڈیا کے نمائندوں سے گفتگو کرتے ہوئے کہا کہ مولانا فضل الرحمان ایک سینئر سیاسی و مذہبی رہنما ہیں جنہیں اپنی حب الوطنی ثابت کرنے کے لیے کسی سرٹیفکیٹ کی ضرورت نہیں۔ انہوں نے ہمیشہ پاکستان کی سلامتی، استحکام جمہوریت اور آئین کی بالادستی کے لیے اپنا کردار ادا کیا ہے۔ ان کے خلاف غیر مناسب زبان استعمال کرنا سیاسی اخلاقیات اور جمہوری اقدار کے منافی ہے۔میر نعیم خان عمرانی نے کہا کہ متعلقہ وزراء اور مشیروں کو اپنے منصب اور سیاسی حیثیت کے مطابق گفتگو کرنی چاہیے۔ جمعیت علمائے اسلام کے کارکن اپنے قائد کے خلاف غیر شائستہ زبان کا جواب دینے کی بھرپور صلاحیت رکھتے ہیں تاہم ہماری جماعت اخلاقی حدود اور جمہوری اصولوں کو مقدم رکھتی ہے۔ انہوں نے واضح کیا کہ سیاسی اختلافات کو ذاتی تنقید اور الزام تراشی کے بجائے سنجیدہ مکالمے کے ذریعے حل کیا جانا چاہیے۔انہوں نے مزید کہا کہ جمعیت علمائے اسلام اپنے قائد مولانا فضل الرحمان کے مؤقف کی بھرپور حمایت کرتی ہے اور پاکستان کی سلامتی جمہوریت کے استحکام اور قومی مفادات کے تحفظ کے لیے کسی بھی قربانی سے دریغ نہیں کرے گی۔ انہوں نے کہا کہ جمعیت علمائے اسلام کے اکابرین نے قیامِ پاکستان اور قومی جدوجہد میں اہم کردار ادا کیا ہے جبکہ جمہوری اقدار، آئینی حقوق اور ملکی استحکام کے لیے آواز بلند کرنا جماعت کی سیاسی جدوجہد کا بنیادی حصہ ہے۔ جبکہ اس موقع پر تحصیل جنرل سیکرٹری گل جان مستوئی بھی موجود ہے