روہڑی پریس کلب میں پی ٹی الف کے اساتذہ کا تین روزہ بھوک ہڑتالی کیمپ قائم

سکھر (رپورٹ: اسلم سومرو) روہڑی پریس کلب میں پی ٹی الف کے اساتذہ کی جانب سے اپنے جائز مطالبات کی منظوری اور مسائل کے حل کے لیے تین روزہ بھوک ہڑتالی کیمپ قائم کر دیا گیا ہے۔ احتجاجی کیمپ کی قیادت استاد ذکریا برڑو ماسٹر غلام حسین جسکانی کر رہے ہیں، جس میں اساتذہ اپنے مطالبات کے حق میں آواز بلند کر رہے ہیں اس موقع پر اساتذہ کا کہنا تھا کہ انہیں درپیش مسائل کے حل اور جائز مطالبات کی منظوری کے لیے احتجاجی کیمپ لگایا گیا ہے۔ متعلقہ حکام کی جانب سے مسائل کے حل کے لیے سنجیدہ اقدامات نہ کیے جانے کے باعث انہیں احتجاج کا راستہ اختیار کرنا پڑا اساتذہ نے سندھ حکومت اور محکمہ تعلیم کے اعلیٰ حکام سے مطالبہ کیا کہ ان کے مسائل کا فوری نوٹس لیا جائے، جائز مطالبات تسلیم کیے جائیں اور انہیں درپیش مشکلات کے خاتمے کے لیے عملی اقدامات کیے جائیں انہوں نے مزید کہا کہ اساتذہ کے مسائل حل کرنا اور ان کے جائز حقوق کا تحفظ کرنا متعلقہ حکام کی ذمہ داری ہے۔ اساتذہ نے واضح کیا کہ مطالبات کی منظوری اور مسائل کے حل تک ان کی جدوجہد جاری رہے گی انہوں نے حکومت سندھ اور محکمہ تعلیم کے ذمہ داران سے اپیل کی کہ معاملے کو ترجیحی بنیادوں پر حل کرکے تعلیمی نظام میں بہتری کے لیے مؤثر اقدامات کیے جائیں۔