ملتان میں جعلی کال وٹ سی فیکٹری پر ایف آئی اے کا چھاپہ، ملزم گرفتار

چند ماہ قبل بھی متعلقہ ادارے کی کارروائی، جعلی مصنوعات اور کاپی رائٹ کی خلاف ورزی پر کریک ڈاؤن تیز
ملتان (رانا رضوان احمد) جعلی مصنوعات کے کاروبار اور کاپی رائٹ کی خلاف ورزی کے خلاف ایف آئی اے ملتان زون متحرک، جعلی کال وٹ سی تیار کرنے والی فیکٹری پر چھاپہ مار کر ملزم محمد ناصر کو مالِ مقدمہ سمیت گرفتار کر لیا گیا۔ ذرائع کے مطابق مذکورہ فیکٹری کے خلاف چند ماہ قبل بھی متعلقہ ادارے کی جانب سے کارروائی کرتے ہوئے اسے سیل کیا گیا تھا۔
ایف آئی اے کے مطابق جعلی مصنوعات کے خلاف کارروائی کے ساتھ کاپی رائٹ کی خلاف ورزی کے معاملے میں 5 اکتوبر 2026 کو محمد فرحان کی گرفتاری بھی عمل میں لائی گئی۔ حکام کا کہنا ہے کہ ملزمان کے خلاف مقدمات درج کرکے مزید تفتیش جاری ہے۔
ایف آئی اے حکام نے واضح کیا ہے کہ جعلی مصنوعات کی تیاری، غیر قانونی کاروبار اور کاپی رائٹ کی خلاف ورزی میں ملوث عناصر کے خلاف کارروائیاں جاری رہیں گی۔