مسلم باغ پولیس کی دبنگ کاروائی، چار ملزمان گرفتار، مسروقہ گاڑی برآمد

مسلم باغ: ڈی آئی جی ژوب سہیل خالد اور ایس پی قلعہ سیف اللہ عمران رزاق کی خصوصی ہدایت پر مسلم باغ اور قلعہ سیف اللہ پولیس نے مشترکہ کاروائی کرتے ہوئے دو الگ الگ مقدمات میں ملوث چار ملزمان کو گرفتار کر لیا۔
کاروائی ایس آئی/ایس ایچ او محمد اسماعیل بابر، ڈی ایس پی/ایس ڈی پی او حاجی محمد زمری اور تھانہ مسلم باغ کے ملازمین پولیس، جبکہ ایس آئی/ایس ایچ او عصمت اللہ، ڈی ایس پی/ایس ڈی پی او عبداللہ خان اور تھانہ قلعہ سیف اللہ کے ملازمین پولیس نے مشترکہ طور پر عمل میں لائی۔
مقدمہ نمبر 62/26 بجرم 379، 427، 34 میں موبائل فون ٹاور کی بیٹریاں چوری کرنے والے ملزمان عبدالقادر اور اکرام کو گرفتار کیا گیا۔ اسی طرح مقدمہ نمبر 63/26 بجرم 381-A، 34 میں گاڑی چوری کرنے والے ملزمان عبدالرحمن اور سلمان کو گرفتار کر کے مسروقہ گاڑی بھی برآمد کر لی گئی۔
پولیس کے مطابق مذکورہ مقدمات کی تفتیش مسلم باغ پولیس کر رہی ہے اور مزید ملزمان کی گرفتاری کے لیے کوششیں جاری ہیں۔ ذرائع کا کہنا ہے کہ آئندہ دنوں میں مزید گرفتاریاں متوقع ہیں۔