ڈی آئی خان میں فائرنگ سے ایک ہی خاندان کے 3 افراد جاں بحق

ڈیرہ اسماعیل خان کے علاقے جھنڈو خیل میں فائرنگ کے واقعے میں ایک ہی خاندان کے تین افراد جاں بحق جبکہ ایک شخص زخمی ہوگیا۔

پولیس کے مطابق جاں بحق ہونے والوں میں زخمی شخص کے دو بچے اور ایک بھتیجا شامل ہیں۔ زخمی شخص بچوں کا والد ہے، جسے فوری طور پر قریبی اسپتال منتقل کردیا گیا جہاں اسے طبی امداد فراہم کی جا رہی ہے۔

پولیس کے مطابق واقعے میں جاں بحق افراد کی شناخت عالیان، عاشق اللہ اور کامران کے نام سے ہوئی ہے۔ واقعے کے بعد علاقے میں خوف و ہراس پھیل گیا۔