مستونگ میں بڑا واقعہ، مسلح افراد الائیڈ بینک لوٹ کر فرار

مستونگ: نامعلوم مسلح افراد نے الائیڈ بینک میں داخل ہوکر اسلحے کے زور پر لوٹ مار کی اور فرار ہوگئے۔

پولیس ذرائع کے مطابق مسلح افراد نے بینک پہنچنے سے پہلے بازار میں فائرنگ کی۔ ملزمان نے شہر کے مختلف مقامات پر لگے سی سی ٹی وی کیمروں پر بھی فائرنگ کی، جس سے کیمروں کو نقصان پہنچا۔

واردات کے بعد ملزمان موقع سے فرار ہوگئے۔ اطلاع ملتے ہی پولیس اور سیکیورٹی فورسز نے علاقے کو گھیرے میں لے لیا اور ملزمان کی گرفتاری کے لیے مختلف مقامات پر تلاش شروع کردی۔