بانی پی ٹی آئی عمران خان کا اڈیالہ جیل میں طبی معائنہ

راولپنڈی: اڈیالہ جیل میں بانی پی ٹی آئی عمران خان کا ڈاکٹرز اور پیرا میڈیکل اسٹاف پر مشتمل ٹیم نے طبی معائنہ کیا۔

جیل ذرائع کے مطابق طبی ٹیم میں پمز اسپتال کے ماہر امراض چشم سمیت دیگر ڈاکٹرز، پیرا میڈیکل اسٹاف اور ضروری طبی آلات شامل تھے، جبکہ ٹیم کی سربراہی پمز اسپتال کے ڈاکٹر عارف خان نے کی۔

ذرائع کا کہنا ہے کہ عمران خان کے بلڈ پریشر، کولیسٹرول اور آنکھوں سمیت مختلف طبی پہلوؤں کا معائنہ کیا جانا تھا۔

تاہم طبی معائنے کے نتائج اور اس حوالے سے مزید تفصیلات تاحال سامنے نہیں آسکیں۔