نوحصار پولیس کی کارروائی، موٹر سائیکل چوری میں ملوث 3 ملزمان گرفتار

کوئٹہ: نوحصار پولیس نے کارروائی کرتے ہوئے موٹر سائیکل چوری اور دیگر وارداتوں میں مبینہ طور پر ملوث 3 ملزمان کو گرفتار کرلیا۔

پولیس کے مطابق ایس ایس پی آپریشنز کوئٹہ ضیاء الحق مندوخیل، ایس پی صدر شفقت امیر جنجوعہ اور ڈی ایس پی کچلاک عابد جدون کی نگرانی میں ایس ایچ او نوحصار عابد رضا مینگل اور ایڈیشنل ایس ایچ او خدائے داد نے پولیس ٹیم کے ہمراہ کارروائی کی۔

کارروائی کے دوران پولیس نے نجیب اللہ، جعفر خان اور نصیب اللہ کو گرفتار کیا۔ پولیس کے مطابق گرفتار ملزمان کے قبضے سے واردات کے دوران چھینا گیا 2026 ماڈل کا موٹر سائیکل، موبائل فون اور مبینہ طور پر واردات میں استعمال ہونے والا اسلحہ برآمد کرلیا گیا۔

پولیس کا کہنا ہے کہ گرفتار ملزمان سے مزید تفتیش جاری ہے، جبکہ دیگر وارداتوں میں ان کے ممکنہ طور پر ملوث ہونے اور مزید برآمدگیوں کے حوالے سے بھی تحقیقات کی جا رہی ہیں۔

کوئٹہ پولیس کے مطابق شہریوں کے جان و مال کے تحفظ اور جرائم پیشہ عناصر کے خلاف کارروائیاں جاری رکھی جائیں گی۔