خمیس مشیط، ابہا اور طائف پر میزائل و ڈرون حملے، 13 افراد زخمی

دبئی: سعودی عرب کے تین شہروں خمیس مشیط، ابہا اور طائف پر حوثیوں کے مبینہ میزائل اور ڈرون حملوں میں 13 افراد زخمی ہوگئے جبکہ 7 رہائشی مکانات اور 2 گاڑیوں کو نقصان پہنچا۔

سعودی اتحاد کے ترجمان میجر جنرل ترکی المالکی کے مطابق حوثیوں نے شہری آبادیوں کو بیلسٹک میزائلوں اور ڈرونز سے نشانہ بنایا۔ حملوں میں زخمی ہونے والے افراد کو معمولی سے درمیانے درجے کے زخم آئے ہیں۔

ترکی المالکی نے کہا کہ شہری علاقوں اور بنیادی ڈھانچے کو نشانہ بنانا قابل تشویش ہے۔ سعودی اتحاد شہریوں اور شہری تنصیبات کے تحفظ کیلئے ضروری اقدامات کرے گا۔

انہوں نے کہا کہ سعودی عرب اپنی خودمختاری اور شہریوں کے دفاع کا حق محفوظ رکھتا ہے اور حوثیوں کے مزید حملوں کی روک تھام کیلئے تمام ضروری فوجی اقدامات کیے جائیں گے۔