سکھر: تھانہ بی سیکشن پولیس کی کارروائیاں، گٹکا ماوا اور چرس برآمد، 2 ملزمان گرفتار

سکھر(رپورٹ اسلم سومرو)تھانہ بی سیکشن پولیس نے مختلف کارروائیوں کے دوران گٹکا ماوا اور منشیات برآمد کرکے دو ملزمان کو گرفتار کرلیا، گرفتار ملزمان کے خلاف الگ الگ مقدمات درج کرکے مزید تفتیش شروع کردی گئی ہے۔پولیس کے مطابق پہلی کارروائی تھانہ بی سیکشن کی حدود ریلوے گراؤنڈ، اسٹیشن روڈ کے قریب کی گئی، جہاں پولیس نے کارروائی کرتے ہوئے نیو پنڈ کے رہائشی ملزم نوید ولد وزیر علی چنہ کو گرفتار کرلیا۔ پولیس کا کہنا ہے کہ گرفتار ملزم کے قبضے سے 35 عدد گٹکا ماوا کی پڑیاں برآمد ہوئیں، جس کے بعد ملزم کے خلاف مقدمہ نمبر 173/2026، زیر دفعہ 8 SMMG Act درج کرلیا گیا۔دوسری کارروائی ہوا بندر کے علاقے میں عمل میں لائی گئی، جہاں تھانہ بی سیکشن پولیس نے کارروائی کرتے ہوئے ٹکر محلہ کے رہائشی ملزم عامر علی ولد مدثر علی بروہی کو گرفتار کیا۔ پولیس کے مطابق ملزم کے قبضے سے 500 گرام چرس برآمد ہوئی، جس پر اس کے خلاف مقدمہ نمبر 174/2026، زیر دفعہ 9(1) SCNS کے تحت مقدمہ درج کرلیا گیا۔پولیس حکام کے مطابق دونوں کارروائیوں کے بعد گرفتار ملزمان سے مزید تفتیش جاری ہے جبکہ منشیات اور مضرِ صحت اشیاء کی خرید و فروخت میں ملوث عناصر کے خلاف کارروائیاں مزید تیز کرنے کا فیصلہ کیا گیا ہے۔ پولیس کا کہنا ہے کہ علاقے میں جرائم پیشہ اور منشیات فروش عناصر کے خلاف بلاامتیاز کارروائیاں جاری رہیں گی۔