اسسٹنٹ کمشنر لورالائی ندیم اکرم کی سربرا ہی میں کھلی کچہری، عوامی مسائل سنے گئے

لورالائی(میاں محمدعامربشیرآرائیں))ٰ بلوچستان میر سرفراز بگٹی اور ڈپٹی کمشنر لورالائی محمد حسیب شجاع کی خصوصی ہدایت پر اسسٹنٹ کمشنر لورالائی ندیم اکرم کی سرپرستی میں ایک کھلی کچہری کا انعقاد کیا گیا، جس میں ایف سی کے میجر کامران نے خصوصی شرکت کی۔

کھلی کچہری میں عوام، سول سوسائٹی اور مختلف سرکاری محکموں کے افسران و نمائندگان نے شرکت کی۔ شہریوں نے اپنے درپیش مسائل اور مشکلات سے اسسٹنٹ کمشنر لورالائی ندیم اکرم کو آگاہ کیا، جنہوں نے عوامی مسائل کو غور سے سنا اور متعلقہ محکموں کے افسران کو ان کے حل کے لیے ضروری اقدامات کی ہدایات جاری کیں۔

اس موقع پر اسسٹنٹ کمشنر لورالائی ندیم اکرم اور ایف سی میجر کامران نے عوام کو بلوچستان سوشل ڈویلپمنٹ انیشی ایٹو (BSDI) پروگرام کے تحت جاری منصوبوں اور اب تک ہونے والی پیشرفت کے حوالے سے بھی تفصیلی طور پر آگاہ کیا۔ انہوں نے بتایا کہ BSDI پروگرام کے مختلف منصوبوں پر کام جاری ہے، جن سے علاقے کے عوام کو تعلیم، ٹیکنالوجی، نوجوانوں کی ترقی اور دیگر شعبوں میں سہولیات فراہم کرنے میں مدد ملے گی۔

اس موقع پر اسسٹنٹ کمشنر ندیم اکرم نے کہا کہ ضلعی انتظامیہ عوامی مسائل کے حل اور بنیادی سہولیات کی فراہمی کے لیے بھرپور اقدامات کر رہی ہے۔ انہوں نے کہا کہ عوام اور انتظامیہ کے درمیان براہِ راست رابطے کو مزید مؤثر بنانے کے لیے کھلی کچہریوں کا سلسلہ جاری رکھا جائے گا۔