نائب وزیر اعظم اسحاق ڈار کل سے 28 اگست تک برطانیہ کا سرکاری دورہ کریں گے

اسلام آباد: نائب وزیراعظم اور وزیر خارجہ اسحاق ڈار کل سے 28 اگست تک برطانیہ کے سرکاری دورے پر روانہ ہوں گے۔

دفتر خارجہ کے مطابق اسحاق ڈار دورے کے دوران برطانوی وزیر خارجہ ایڈملی بینڈ اور وزیر مملکت اسٹیفن ڈوٹی سمیت دیگر اعلیٰ حکام سے ملاقاتیں کریں گے۔

ملاقاتوں میں دوطرفہ تعلقات، باہمی تعاون اور صومالی قزاقوں کے قبضے میں موجود آئل ٹینکر کے معاملے پر بھی تبادلہ خیال کیا جائے گا۔

ترجمان دفتر خارجہ کے مطابق نائب وزیراعظم دولت مشترکہ کی سیکرٹری جنرل شرلی آئیکوربوچوے، برطانوی ارکان پارلیمنٹ اور برطانیہ میں پاکستانی کمیونٹی کے نمائندوں سے بھی ملاقاتیں کریں گے۔