حب میں غیر قانونی پانی کنکشنز کے خلاف انتظامیہ کی بڑی کارروائی

حب میں غیر قانونی پانی کنکشنز کے خلاف انتظامیہ کی بڑی کارروائی

(حب نمائندہ خصوصی)ڈپٹی کمشنر حب جمعداد خان مندوخیل کی ہدایت پر اسسٹنٹ کمشنر حب مہیم خان گچکی، ایکسین ایریگیشن کینال عدیل بلوچ اور ایف سی کے کیپٹن سعد خان کے ہمراہ لسبیلہ کینال حب کے نان کمانڈ ایریا میں غیر قانونی پانی کے کنکشنز کے خلاف مشترکہ کارروائی کی گئی کارروائی کے دوران ایف سی اور پولیس کے جوان بھی موقع پر موجود رہے ضلعی انتظامیہ، محکمہ ایریگیشن، ایف سی اور پولیس کی مشترکہ ٹیم نے نان کمانڈ ایریا میں قائم غیر قانونی کنکشنز کا معائنہ کیا اور موقع پر موجود غیر قانونی پائپس اور پانی کی ترسیل کے لیے استعمال ہونے والی مشینری کو ضبط کرلیا۔کارروائی کے دوران ہیوی مشینری کے ذریعے غیر قانونی طور پر بچھائی گئی پائپس اور دیگر تنصیبات کو موقع پر ہی اکھاڑ کر ختم کردیا گیا، جبکہ غیر قانونی پانی کے حصول اور ترسیل کے ذرائع کو ختم کردیا گیا کارروائی کے دوران محکمہ ایریگیشن کے حکام کو ہدایت کی گئی کہ لسبیلہ کینال کے نان کمانڈ ایریا میں غیر قانونی کنکشنز کی مؤثر نگرانی کو یقینی بنایا جائے اور پانی کے غیر مجاز استعمال کی روک تھام کے لیے ضروری اقدامات جاری رکھے جائیں اس موقع پر اسسٹنٹ کمشنر حب نے واضح کیا کہ سرکاری آبپاشی نظام سے غیر قانونی کنکشن اور پانی کے غیر مجاز استعمال کے خلاف بلاامتیاز کارروائیاں جاری رکھی جائیں گی، اور سرکاری پانی کے وسائل کو نقصان پہنچانے یا غیر قانونی طور پر استعمال کرنے والوں کے خلاف قانون کے مطابق سخت کارروائی عمل میں لائی جائے گی۔