اسلام آباد، پشاور اور گردونواح میں زلزلے کے جھٹکے، شدت 5.4 ریکارڈ

اسلام آباد: وفاقی دارالحکو مت اسلام آباد، پشاور اور گردونواح کے علاقوں میں زلزلے کے جھٹکے محسوس کیے گئے۔

زلزلہ پیما مرکز کے مطابق زلزلے کی شدت ریکٹر اسکیل پر 5.4 ریکارڈ کی گئی، جبکہ اس کا مرکز افغانستان کے ہندوکش ریجن میں تھا۔

حکام کے مطابق زلزلے کا مرکز زمین کے اندر 187 کلومیٹر گہرائی میں تھا۔

زلزلے کے جھٹکے اسلام آباد، پشاور اور ملحقہ علاقوں میں محسوس کیے گئے، تاہم فوری طور پر کسی جانی یا مالی نقصان کی اطلاع موصول نہیں ہوئی۔