فقیر محمد روڈ پر موٹرسائیکل چوری، پولیس کی خاموشی پر شہریوں میں تشویش

کوئٹہ: فقیر محمد روڈ پر موٹرسائیکل چوری کے واقعے کے بعد شہریوں نے پولیس کی کارکردگی پر سوالات اٹھا دیے ہیں۔

تفصیلات کے مطابق 14 اگست کو دن تقریباً 12 بجے فقیر محمد روڈ پر عثمانی مسجد کے سامنے والی گلی سے ایک موٹرسائیکل چوری کرلی گئی۔ اطلاعات کے مطابق نامعلوم شخص موٹرسائیکل لے کر موقع سے فرار ہوگیا۔

مقامی شہریوں کا کہنا ہے کہ علاقے میں چوری اور دیگر جرائم کے واقعات میں اضافہ ہو رہا ہے، جس کے باعث عوام میں خوف و تشویش پائی جاتی ہے۔

شہریوں نے شکوہ کیا کہ بار بار پیش آنے والے واقعات کے باوجود مؤثر کارروائی نہ ہونے سے جرائم پیشہ عناصر کے حوصلے بڑھ رہے ہیں۔

عوامی حلقوں نے حکام سے مطالبہ کیا ہے کہ موٹرسائیکل چوری کے واقعے کا فوری نوٹس لے کر ملزم کی شناخت اور گرفتاری کے لیے اقدامات کیے جائیں، جبکہ علاقے میں پولیس گشت اور نگرانی کے نظام کو مزید بہتر بنایا جائے۔

شہریوں نے امید ظاہر کی ہے کہ متعلقہ ادارے امن و امان کی صورتحال بہتر بنانے کے لیے فوری عملی اقدامات کریں گے۔