تبت میں 7 شدت کا ہولناک زلزلہ، جنوری 2024 کے بعد چین کا سب سے بڑا زلزلہ؛ 16 افراد ہلاک، ایمرج نافذ

بیجنگ: چین کے خود مختار علاقے تبت میں آنے والے شدید ترین زلزلے نے بڑے پیمانے پر تباہی مچا دی ہے۔ ریکٹر اسکیل پر 7 شدت کے اس ہولناک زلزلے کے نتیجے میں اب تک 16 افراد جاں بحق اور 65 زخمی ہو چکے ہیں، جبکہ حکام نے علاقے میں سیکنڈ لیول کی ہنگامی صورتحال (ایمرجنسی) نافذ کر دی ہے۔

رپورٹس کے مطابق زلزلے کا مرکز تبت کے علاقے ناگچو کے بچن کاؤنٹی میں تھا، جو زمین سے محض 10 کلومیٹر کی کم گہرائی پر آیا۔ اتنی کم گہرائی اور اتنی زیادہ شدت کی وجہ سے جھٹکے انتہائی خوفناک تھے، جن سے سینکڑوں مکانات اور عمارتیں زمین بوس ہو گئیں۔ یہ زلزلہ جنوری 2024 کے بعد سے اب تک چین میں آنے والا سب سے طاقتور زلزلہ قرار دیا جا رہا ہے۔ پولیس، انتظامیہ اور ریلیف ٹیمیں متاثرہ علاقوں میں ملبے تلے دبے افراد کو نکالنے کے لیے ہنگامی ریسکیو آپریشن میں مصروف ہیں، جبکہ ہلاکتوں میں مزید اضافے کا خدشہ ظاہر کیا جا رہا ہے۔