مسلم باغ: عوامی خدمت اور انتظامی نگرانی کا سلسلہ جاری

مسلم باغ: عوامی خدمت اور انتظامی نگرانی کا سلسلہ جاری
اسسٹنٹ کمشنر مسلم باغ ماجد سلیم نے حکومتی ہدایات کی روشنی میں رات گئے تقریباً 11 بجے تحصیل ہیڈکوارٹر (THQ) ہسپتال مسلم باغ کے ایمرجنسی سینٹر کا اچانک دورہ کیا۔
دورے کے دوران انہوں نے ہسپتال میں موجود مریضوں کو فراہم کی جانے والی طبی سہولیات، ڈاکٹرز و طبی عملے کی حاضری اور ایمرجنسی کے انتظامات کا تفصیلی جائزہ لیا۔ ناقص انتظامات پر برہمی کا اظہار کرتے ہوئے متعلقہ حکام کو انتظامات میں فوری بہتری لانے اور مریضوں کو بروقت و معیاری طبی سہولیات کی فراہمی یقینی بنانے کی ہدایات جاری کیں۔
اسسٹنٹ کمشنر نے کہا کہ حکومتی ہدایات کے مطابق عوام کو بنیادی سہولیات کی فراہمی، سرکاری اداروں کی مؤثر نگرانی اور عوامی مسائل کا بروقت ازالہ انتظامیہ کی اولین ترجیحات میں شامل ہے۔