اسسٹنٹ کمشنر مسلم باغ کا انسدادِ پولیو مہم کے دوران یونین کونسل ٹاؤن کا دورہ؛ ٹیموں کی کارکردگی کا جائزہ

مسلم باغ (نامہ نگار): اسسٹنٹ کمشنر مسلم باغ ماجد سلیم نے انسدادِ پولیو مہم کے تیسرے روز یونین کونسل ٹاؤن کا دورہ کیا، جہاں انہوں نے پولیو ٹیموں کی حاضری، کارکردگی اور مہم کی پیش رفت کا تفصیلی جائزہ لیا۔
دورے کے دوران اسسٹنٹ کمشنر نے پولیو ویکسین سے انکار کرنے والے بچوں کے والدین سے ملاقات کی، انہیں پولیو ویکسین کی اہمیت، افادیت اور حفاظتی کردار سے آگاہ کیا اور اپنے بچوں کو پولیو کے حفاظتی قطرے پلوانے پر آمادہ کیا۔ اس مؤثر آگاہی مہم کے نتیجے میں متعدد انکاری بچوں کو پولیو کے حفاظتی قطرے پلائے گئے۔
اس موقع پر اسسٹنٹ کمشنر ماجد سلیم نے متعلقہ پولیو ٹیموں کو ہدایت کی کہ کوئی بھی بچہ پولیو کے حفاظتی قطروں سے محروم نہ رہے۔ انہوں نے زور دیا کہ مہم کو کامیاب بنانے کے لیے تمام ٹیمیں بھرپور محنت، ذمہ داری اور جذبۂ خدمت کے ساتھ اپنی ذمہ داریاں ادا کریں تاکہ ہر بچے تک پولیو ویکسین کی رسائی یقینی بنائی جا سکے۔