چیف انجینئر کینالز انجینئر قربان علی جتوئی کا ایریگیشن آفس ڈیرہ مراد جمالی کا دورہ، نہری نظام کا جائزہ

نصیر آباد ۔۔
(رپورٹ محمد یونس عمرانی)

ڈیرہ مراد جمالی چیف انجینئر کینالز انجینئر قربان علی جتوئی نے ایریگیشن آفس ڈیرہ مراد جمالی کا دورہ کیا، جہاں ایکسئین ایریگیشن نصیرآباد میر فرید احمد پندرانی، اے سی ایریگیشن انجینئر مدثر ظفر کھوسہ اور دیگر افسران نے ان کا پرتپاک استقبال کیا۔
دورے کے دوران ایس ڈی او امان اللہ گاجانی، ایس ڈی او محمد امین عمرانی، ڈپٹی کلکٹر ملک نواز شاہ ڈندور سمیت محکمہ ایریگیشن کے دیگر افسران اور عملے نے چیف انجینئر سے ملاقات کی۔
اس موقع پر نہری نظام، آبپاشی کی صورتحال، جاری ترقیاتی منصوبوں، پانی کی منصفانہ تقسیم اور محکمانہ کارکردگی سے متعلق مختلف امور پر تفصیلی تبادلۂ خیال کیا گیا۔ چیف انجینئر انجینئر قربان علی جتوئی نے افسران کو ہدایت کی کہ کسانوں کو بروقت اور منصفانہ بنیادوں پر آبپاشی کی سہولت فراہم کرنے کے لیے تمام دستیاب وسائل بروئے کار لائے جائیں اور نہری نظام کی مؤثر نگرانی کو یقینی بنایا جائے۔